Cynorthwyydd Cynllunio – Cynlluniau Cynefin
Amser llawn (37 awr), cytundeb 18-mis (gellir ei ymestyn yn dibynnu ar gyllid).
Croesawir rhannu’r swydd / Oriau Hyblyg / Ystyriol o deuluoedd.
Gweithio gartref, yn ddelfrydol yng Ngogledd Cymru / y gallu i deithio i Gonwy.
£20,500 – £25,500 (pro rata), yn ddibynnol ar brofiad.
Mae hon yn rôl newydd, gyffrous fydd yn darparu cefnogaeth uniongyrchol i gymunedau sy’n delio’n rhagweithiol â chynllunio.
Bydd deiliad y swydd yn gweithio gyda staff Cymorth Cynllunio Cymru i ddarparu cefnogaeth uniongyrchol i Gynghorau Cymuned a Thref sydd wrthi’n paratoi Cynlluniau Cynefin. Bydd hyn yn cynnwys darparu cefnogaeth uniongyrchol barhaus i brosiect Cynllun Cynefin penodol yng Nghonwy. Hefyd bydd deiliad y swydd yn helpu codi ymwybyddiaeth a dealltwriaeth o baratoi Cynlluniau Cynefin ledled Cymru.
Bydd y rôl yn ymwneud â chefnogi cyflenwi hyfforddiant cynllunio a digwyddiadau ymgysylltu cymunedau, cynnal ymchwil i bolisïau cynllunio a dadansoddi ystod eang o ddata er mwyn helpu cymunedau i greu eu dogfennau polisïau cynllunio eu hunain yn seiliedig ar dystiolaeth. Bydd deiliad y swydd yn helpu codi ymwybyddiaeth o Gynlluniau Cynefin trwy gefnogi paratoi adroddiadau, fideos a deunyddiau canllaw eraill sy’n archwilio a disgrifio paratoi Cynlluniau Cynefin.
Byddwch yn angerddol ynghylch potensial cynllunio i greu lleoedd a chymunedau mwy cynaliadwy. Byddwch yn ymuno â sefydliad deinamig trydydd sector er mwyn gweithio i wneud cynllunio yn hygyrch a pherthnasol i gymunedau lleol. Byddwch yn rhannu ein hangerdd dros greadigrwydd a menter. Byddwch yn mwynhau gweithio gyda phobl i ennyn brwdfrydedd am newidiadau cadarnhaol.
Ynghylch Cymorth Cynllunio Cymru
Cymorth Cynllunio Cymru yw’r elusen a ariannir gan Lywodraeth Cymru i helpu cymunedau i ddeall ac ymgysylltu â’r system gynllunio defnydd tir yng Nghymru.
Rydym yn darparu ystod o wasanaethau diduedd, yn cynnwys hyfforddiant, digwyddiadau rhwydweithio, canllawiau, cyngor a chefnogaeth ymgysylltiad cymunedol. Wrth gyflenwi’r gwasanaethau hyn rydym yn helpu pobl i gael llais yn y system gynllunio a thrwy hynny yn cynorthwyo creu Cymru mwy cyfartal gyda chymunedau mwy cydlynol.
Sut i ymgeisio
Cynorthwyydd Cynllunio Disgrifiad Swydd>>
Ffurflen gais Cynorthwyydd Cynllunio>>
Ffurflen monitro cyfleodd cyfartal>>
Hysbysiad Preifatrwydd Ymgeisydd Swyddob>>
Dychwelwch gais wedi’i gwblhau a ffurflen cyfle cyfartal erbyn y dyddiad cau isod i [email protected]
Dyddiad cau: 5yp Dydd Llun, Ionawr 31ain 2022
Cyfweliadau: Dydd Gwener 4ydd Chwefror a/neu ddydd Llun, 7fed Chwefror 2022 (ar-lein)